深夜時分又到咗OC君分（拉）享（仇）美食（恨）嘅時間啦！
次次都話我放毒，所以今晚就決定夜點先發推文，
各位大神睇完就好去訓啦！
千萬唔好諗住點打開app點外賣或者出街食翻個宵夜，
都唔好諗住臨訓前餓餓地淥翻個公仔麵醫下個肚！
雖然餓住個肚好難訓得著，但系食太飽訓覺冇益噶，腸胃負擔大，對消化又唔好。
我咁做都系想幫為大家著想，嗯嗯。（呢啲小編邊度搵，你話系咪咯！）
今晚分享嘅呢間店喺東區，又系小店做到變大店，又系唔使上抖音啊，小紅書啊已經好好生意！
OC君幫襯過好幾次，就直接講推薦嘅嘢。
#沒有感情的米飯殺手（韭苔田螺肉）
呢碗螺肉有人話點佢嘅時候，我毫不客氣咁180度畀咗個眼神畀坐系我隔離嘅鄭老闆睇睇，佢真系唔特別嘅都唔點。
上臺嘅時候，迷你到啊，又想畀個眼神人地睇下，畢竟價錢亦都唔平。
冇諗到！食落口個一刻，簡直就系一口入魂！食咗先發現被啪啪聲打臉嘅竟然系我自己！！
螺肉撈飯！真香！
超！好！ 餸！飯！
鹹香鹹香嘅醬汁，帶有少少鮮甜味嘅螺肉，
兩匙羹就已經可以撈得一碗米飯，辣辣地勁開胃！
碳水化合物愛好者秒飯必備神器！
#海鮮冬陰功湯粉
聞得到嘅鍋氣十足！
上臺就聞到濃鬱嘅香茅味，
然之後就系鍋氣嘅味道！
海鮮分量還可以，都夠新鮮，粉就冇乜好評價，講下個冬陰功湯底，真系畀個good佢。
湯底夠濃，椰香味重，香茅味夠突出，辣辣地酸酸地甜甜地嘅味道，超級刺激口水分泌。
#檸香廣式烤五花
上臺就聞到好香檸檬葉，入口第一下就食到表面超厚嘅蜜糖，店主落蜜糖好似唔使錢咁，蜜糖多到黏大牙，上下大牙可以黏埋一齊。
五花醃到相當入味，最中意佢嘅肥瘦相間，肥肉瘦肉分布相當均勻，食落口食到瘦肉嘅肉香同時又都食到肥肉「吡」出嚟嘅肉汁！真繫到依家諗起都留曬口水！
食過好多佢地嘅其他出品，例如以前舊鋪時有嘅滑蛋牛肉飯，各種炒飯、滷肉飯、勝瓜炒牛肉、豆腐鯽魚湯、因為都系好正常好家常嘅出品，就唔詳細介紹啦。
唯一要點名嘅就系只廣受好評嘅檸檬撈雞，都唔系話味道唔好，其實味道都還算可以，問題就出於雞身上面，作為食雞愛好者嘅我嚟講，真系覺得呢只雞肉地唔及格。
#裝修風格
這幾年很流行的日式小店裝修，白色嘅牆身，原木色嘅家具，陽光穿過薄紗透入室內，畀人一種溫馨溫暖嘅感覺。
超愛佢家外面陽臺種嘅多肉，款款都超靚仔。
可惜嘅系，上一次去想圍觀時，發現幾乎全軍覆沒....
呢間鋪從喺廣珠公路個邊嘅迷你小店，奮鬥到去依家東區東城裡裡面嘅大店，從細細間變到大大間，肯定有實力先會得到咁多人嘅鍾意同埋支持。
用我朋友嘅說話話齋，如果你出門在外，掛住屋企嘅住家菜，又或者偶爾想食下人地屋企嘅住家菜，都可以去試下，部分菜式唔會令你失望。
#覓食Tips
店名：禾氣食店
地址：中山市鰲長公路29號匠心東城裡八棟202（嗯，要上樓，難搵）
營業時間：11:30-14:30，17:30-20:30
出行：公交可以搭BRT B1去到Coco city(天奕國際站)然後跟導航行路過去；自駕直接導航到東城裡。
人均：80+（價錢中等偏上、建議組團去）
#特別提醒
*店裡服務員不多，廚房人手也不多，服務以及出品都需要一點耐心等待，要尊貴服務嘅繞道。
*唔好諗住工作日中午就唔怕多人，唔好意思，都系勁多人。
*如果唔想排隊唔想等太耐上菜，最好提前跟店主訂位同埋落定菜單。
*部分菜品需要提前預定先有得食。
*如果非要點花甲，就點咖喱味噶花甲吧....。
-THE END-
各位大神喜歡這類分享的點個「在看」唄，分享個朋友圈唄，點幾個贊先走唄！