☀定期推送廣佛美食、國內外旅行、周邊玩樂等優質原創內容！
平時最中意周圍覓食嘅敏華愛美麗，近日發現鹽步聯河路聚豪園林附近新開咗一間外表睇落好有伊斯蘭清真寺感覺嘅餐廳。
睇個名叫「湯和」，但真系唔知裡面具體食咩野，於是決定趁住中秋假期同屋企人去一探究竟！
行入餐廳，發現環境同情調都唔錯喔！唔單止有寬敞舒適嘅大廳，人多聚會仲可以訂間房威下添！
問咗下服務員先知道原來湯和呢度主打粵菜嘅，師奶仔性格嘅敏華愛美麗見到咁靚嘅環境好擔心價錢會貴，但一睇餐牌即刻放鬆曬，原來呢度價錢好親民嘅，都系果句，可以放開肚皮食一餐好嘅！
除此之外，呢度仲有特調雞尾酒可以點，我中意！
首先出場系我最愛又最期待嘅冰鎮脆皮咕嚕肉。
我知道聲稱自己冰鎮咕嚕肉好食嘅地方都有唔少，但幾乎每一次都失望而歸。
湯和嘅冰鎮脆皮咕嚕肉一上臺，賣相就已經吸引住我啦。透明嘅盤分隔開上下兩層，即使盤上嘅冰融化成水都可以滴落下面，唔會影響咕嚕肉口感。
冰面散上花瓣都唔止，仲要放埋防水變色LED燈系盤底，真系靚靚啊！
作為務實師奶，靚系無用嘅，好食最實際，試一試味道如何先。
真系唔系呃你，湯和呢度嘅冰鎮脆皮咕嚕肉真系好食到震！
喺冰塊嘅神奇作用下，咕嚕肉外層瞬間凝結成脆皮。一啖咬落去，只有冰涼酥脆嘅口感完全無肥膩感覺，被鎖住嘅肉汁亦會bi出嚟，食完一塊又一塊，根本停不下來……
強烈推薦俾大家~特別科普一下！冰鎮咕嚕肉
一定！！！！！
一定！！！！！
一定！！！！！
要一臺即刻食！否則脆皮會無咁好食，你哋話我呃你點算~
跟住出場嘅，一眼望落去似炒丁，其實佢系生！菜！包！
炸過嘅蝦松絕對系最大亮點，酥脆口感一開始食仲以為系炸蒜頭嚟添。配合爽脆嘅蝦仁丁，再加上清新嘅生菜，每一次咀嚼多種交織味道嵌入唇齒之間，呢種獨特體驗必將令你直呼過癮。
包生菜嘅食法新奇好玩，連平時唔太中意食蔬菜嘅小朋友都爭住要食菜！
中意食冬陰功嘅朋友千其唔可以錯過呢個冬陰功肥牛！
肥牛嘅品質要好，入口先會食得出牛肉香味。
除此之外，冬陰功酸辣湯要調味調得恰到好處都系一個關鍵。
對於一般唔太食得辣嘢嘅廣東人嚟講，會覺得佢偏辣。
但個人好中意呢個酸辣度，酸辣嘅效果可以令食物風味更惹火、更能令人胃口大開。
肥牛喺冬陰功湯底裡面吸飽曬湯汁，一口酸辣瞬間充盈曬口腔。
咖喱大蝦味道都唔錯，廚師調配嘅咖喱秘方，一上臺就香到過隔離。
蝦肉新鮮爽脆，咖喱口感厚實且濃鬱。
將成只蝦食落嘴裡面，咖喱味立即充斥口中，先系鮮、香、濃，漸漸開始有麻辣感。呢種辣味令人食慾大增，咖喱汁撈飯更系正爆！
藕苗炒蟹子球嘅擺碟好靚，琥珀核桃肉無放落去一齊炒，而且優雅咁放系旁邊。
口味嘅嘢每個人喜好都唔一樣，好難用同一把稱衡量曬。
就好似呢道菜嘅味道咁，有人超級中意佢嘅清新爽口，有人覺得藕苗食落酸酸地唔太夾。
至於系唔系你哋中意嘅口味，就要等你哋自己試過落評價啦！
一般出去食飯食鵝都系燜嘅居多，但湯和呢度用湯嚟煮，都算系特色。
鵝掌翼煲上臺後開火繼續煲繼續沸騰，熱力作用下掌翼嘅味道滲透落湯裡面。
食飯前飲翻啖湯，非常舒服！
鵝掌翼嘅size好大，好在餐廳貼心咁為客人準備手套，咁就可以唔怕食到手邋遢啦。
個人超級中意呢個粥水底，好好飲！
最大亮點估計系佢加咗檸檬落去，少少嘅酸味令口感好清新~
鵝嘅份量好足，估計用呢個粥水底浸雞都一樣唔錯！
咖喱雞嘅咖喱好香好夠味，辣度剛剛好，唔會太辣而蓋過雞肉嘅味道，用咖喱醬汁撈飯絕對系絕配。
中意飲雞尾酒嘅朋友都可以點翻幾杯助興，我試咗2杯都唔錯！
下次嚟要試埋個莫吉託先得~
如果擔心小朋友飲軟飲唔夠健康嘅話，可以點翻杯鮮榨果汁或者乳酪特飲！
作為精明師奶，肯定要第一時間發掘著數優惠介紹大家啦！
而家湯和10歲以下小朋友都可以免費有一杯雪糕，原本以為會系好求其嘅一杯雪糕，完全諗唔到杯雪糕咁靚咯！
唉，我都好想做小朋友啊！
其他著數信息
靚女服務員姐姐話關注佢地微信公眾號，有咩著數優惠可以第一時間收到！
聽聞遲D湯和會推出秋冬季養生湯系列以及外伶仃島生猛海鮮，下次試過再同大家介紹！
湯和餐廳
地址：鹽步聯河路河西顏邊工業區1號A棟
（如果往小商品城方向，記得橋底掉頭；如果往穗鹽路方向，一落聯河路條橋就要即刻轉右）
電話： 0757-85766668