店鋪位於革新路中船匯，附近都系酒吧同餐館，餐廳外面有開放式座椅，現在未入盛夏，只要陽光不算毒辣，其實坐在外面都幾舒服，而且對於某些特(xi)殊(yan)人士，這點好重要！
鋪面樓底夠高，所以間多個夾層，如果喜歡私密性的聚餐，樓上是個不錯的選擇。
這裡的菜單比較簡約，但並不代表食物簡單，你一翻開，就會驚訝於這麼一家小店竟然會有咁多野食！
招牌四喜小籠包，從左到右分別系鵝肝味、黑松露味、芝士味同參湯味，如果唔知食邊種味好，大可以叫個四色小籠包。除此以外，仲有原味南翔小籠包。比較特別的是鵝肝小籠包，大廚特意在肉餡裡加入了少許藍莓汁中和鵝肝嘅油膩感，有心思！
芝士味小籠包，據師傅介紹裡面用左兩種芝士條，保證味道有層次感！
咩叫任性？就系每一隻味嘅小籠包都要上一碟！此刻望住呢排小籠包，令我有種望住馬卡龍嘅感覺……
懷舊砵仔糕！唔知幾時開始，響市面上嘅砵仔糕都變曬透明，完全無曬以前砵仔糕嘅味道！而呢度嘅紅豆砵仔糕系舊陣時的配方，讓你搵翻童年的味道！真材實料！
農場雞仔包，有姿勢又有實際，餡系傳統雞包仔嘅餡（有無睇過麥兜？還記得麥太的名菜：雞包包雞包紙包紙包雞包雞……）
為左展示比大家睇……真系唔好意思啦雞雞……
一副可憐兮兮嘅燕麥豬仔包，裡面系燕麥餡，由於爆頭嘅樣實在系兒童不宜，所以都系發完整靚靚照算啦~
紅米腸就好多地方都有，三色腸粉試過未？三種顏色分別對應美國黑野米、南瓜同甘筍味！
飲茶嘅食肉獸們點少得幹蒸燒賣、早茶排骨同牛仔骨？原只冬菇燒賣幹蒸啖啖肉，一口一件；
大廚話，呢籠安格斯牛仔骨嘅系進口嘅安格斯牛肉，落手闊綽，肉大大件，食材認真不含糊！
我地換多個角度睇四籠點心，系咪好壯觀！？
牛柳酥，十分香口。酥皮底做得唔錯，唔會一夾就散。大小做得巖巖好，兩啖食得完~
原只鮑魚雞粒飯！真系成只鮑魚響上面！大家現在去飲茶已經好少見到有盅仔飯，但系師傅話，其實所謂「一盅兩件」，盅頭飯就系其中嘅「一盅」。一盅飯細細碗，食完唔會飽，仲可以留肚食其他野，呢嘀先系飲茶精髓~
點到成臺都系，埋單都只系兩百幾蚊！
以為咁就完？no，都仲位講呢間餐廳嘅另外一個絕招：避風塘三寶！
師傅絕活之一避風塘炒蟹！送飯真系一流！姜蔥蒜蓉的香味浸透蟹肉，蟹塊香辣，味道濃鬱，溼口的蟹沙比幹身的更香口，令人越食越開胃。（有人同我一樣，避風塘炒蟹覺得嘀配料先系送飯精髓嗎？）
喜粵堂提供兩種蟹供客人選擇，一種系花蟹，一種系肉蟹，豐儉由人。
避風塘系當年香港漁民嘅庇護所，每當颱風季節，中小型船隻就會駛入避風塘「避風」，於是各家各戶就會用新鮮打撈上離嘅海鮮煮送，最出名就系避風塘炒蟹！師傅話，當年佢響仲系學徒嘅時候，就響漁港跟住一大班老師傅學做避風塘炒蟹。後來城市發展，海上嘅漁民逐漸上岸發展其他業務營生，正宗嘅避風塘菜式已經越來越少見，但避風塘菜系，是土生土長的香港菜式，是香港飲食文化的集體回憶。現在系喜粵堂，你吃得翻舊陣時嘅正宗避風塘三寶。辣酒花螺，辣味無搶到花螺嘅鮮味，反而將花螺嘅甜味帶埋出離，不愧為避風塘三寶之一！
豉椒炒蜆（花甲）花甲肉在這個季節正是肥美，新鮮唔在講，旁邊嘅豆豉、蒜蓉亦系送飯利器，就是這麼一碟夠我送兩碗飯！
粵菜點可以無燒味！燒腩仔皮脆肉嫩，點解隔離系黃色嘅醬唔系海鮮醬？食海鮮醬嘅朋友你地被酒樓教壞左啦，食燒腩仔應該系配黃芥末醬嘅！師傅話呢度嘅黃芥末醬系自己調製！
燒鴨仔。選用個幾月大嘅乳鴨仔，保證肉夠嫩夠香！用木板上，賣相吸引。
除左燒味，仲有滷味！滷水鵝肝與滷水掌翼的賣相十分吸引，前者細膩軟滑，後者入味甘香，皆因用的都是進口食材製作，不拘泥於傳統！在潮汕傳統滷味的口味中改良，為左迎合翻現在廣東人的口味，呢度嘅滷水拼盤味道相應會比較濃鬱。
我相信你地一定會以為系炒飯，我一開始都被佢個樣厄左。其實佢系疍家馬鮫飯，真系估你唔到！以前的漁民會把撈起來新鮮的魚去骨加上鮮蝦用來焗飯，那香氣能蔓延至整個船的每一個角落，隨著漁民上岸，也把這種傳統美食帶進了城市，喜粵堂選用馬來西亞進口嘅馬鮫魚，更加香口鮮味！
有感而發：
唔知從幾時開始，「飲茶」成為左「老土」嘅代名詞，好似只有上左年紀嘅人先會去飲茶，後生嘅就寧願去食壽司西餐pizza呢嘀外來料理。所幸嘅系，近呢一兩年，新式嘅茶樓響廣州越開越多，有主打懷舊，亦都有主打新式點心。重點系越來越多後生仔周末唔系去打機唱K大排檔劈酒，而系約埋一齊飲茶聚舊。所以話粵式點心永遠唔會outdate！而呢間新菜館不失為一個新選擇，師傅既有香港茶樓工作嘅經歷，又響廣州從事過餐飲業，出品既match到廣州人嘅口味又不失正宗。當你食厭左絲襪奶茶菠蘿油，可以離品嘗最正宗嘅港式點心！
其實你講咁耐，呢間野究竟響邊？唔好急，其實系呢度：
店名：喜粵堂
地址：海珠區 革新路139號中船匯北之8—9鋪(船舶大廈隔壁)(太古倉附近)
電話：020-34395912
廣州美食攻略，帶你吃喝玩樂IN廣州，每天尋覓大街小巷的美食好去處，還帶你周邊遊，想吃什麼想玩什麼想收取最新的折扣、資訊信息點擊右上角查看公眾號→查看歷史消息！你要的廣州最全最詳細遊玩攻略，都在這裡！
PS：請認準@ 廣州美食攻略：gz510000