其實你知唔知放飛機、巴閉、混吉呢啲你成日會用到嘅詞由來呢？快啲嚟睇下啦！
何為放飛機呢？話說舊香港。有一日，就要上演飛機飛行。香港有史以來第一次有飛機睇！仲要部水上飛機添！全香港萬眾期待：有人要放飛機睇啊！
第一日到來，因為打風，冇得開，眾人失望而歸；第二日，天朗氣清，各人以為有睇，點知個飛機師病，要推到第三日。而第三日呢，到部機個引擎出事，修理唔到。跟住就 「byebye」 喇！所以D人就用放飛機形容講去做，又唔做的行為！
"巴閉"來自印度話，自漢朝中國己同印度人做生意，D印度商人好鬼嘈，成日叫："BAPRE, BAP RE！"，呢句意思是"我的天呀！"，於是廣東人就學佢地講，講下講下就變成今日"巴閉"喇！
原來系因為以前o既小型飯店，只要你去幫襯就會免費奉送一碗清湯，飯店每日所售雞鴨鵝豬牛肉，都用呢一鍋水整熟既，所以湯入面有肉味，然後落一堆味精，就系一碗清湯啦！因為系清湯，所以入面乜料都無，即系空空如也，香港人覺得"空"等於"兇"，所以就改成"吉"，所以碗湯就叫做"吉水"。
當時，有好多窮人，入到飯店，一坐低，就問夥記摞一碗"吉水"，D窮人一口氣飲完，靜雞雞就走左去，因為呢碗湯系免費，所以飯店唔可以捉，所以夥記就叫呢種混騙行為叫做"混吉" ！
其實，"杯葛"是英文BOYCOTT的譯音，意思即系"反抗和抵制"，唔講你唔知，此BOYCOTT原來系一個人名，全名叫做CharlesCunningham Boycott, 生於1832年，死於1897年，系北愛爾蘭一個惡漢，專替貴族大地主等收租，手段兇殘，專逼害那些窮困的佃戶，一遇到錢交租，就會諸多逼害。
於是，呢班佃戶一呼百應，聯合起來對付逼害者。杯葛打唔過佢地，惟有落荒而逃，自始面目無光，備受困擾痛苦而死。愛爾蘭佃戶今次打勝仗，轟動一時，影響很大。此後但凡抵制或斷絕關係，就以此位愛爾蘭收租佬的姓為名，叫做"杯葛"也。
原來開阜初，香港洋人印（度）人大集會，而放貴利的多數系"白頭摩羅"，這些"摩羅差"戴白頭巾，所以人人都叫地做"白頭摩羅"。白頭摩羅扮相古怪，愛戴一隻大如銅元的耳環，所以耳朵要穿個耳洞，港人覺得可憎，稱他們為"大耳窿"。
不過，還有一個說法，當時放貴利，都是放小額款項如三幾角錢，給勞苦大眾，為使人們知到他們有錢借，便把一個銀元塞在耳朵的耳窿，作為記號，令人認得。
原來我地所講"一蚊雞"系與塘西風月扯上關係；話說去塘西召妓，初步手續先寫一張"花紙"，而格式亦有一定，先寫自己名號(以幾多自稱)，中間寫妓女名字，最後一行寫妓院名稱。寫好之後，便交由酒樓雜役帶去妓院，那些阿姑接到"花紙"，便應召"出局"。
妓女每次局票收一元，而省港人士向來稱妓女為"雞"，既然一元召得一"雞"，後來就索性稱一元做"一蚊雞"。順帶一提，這一元只是陪酒談笑而已，屬"體面上"的手續，如果飲客要有更進一步的行動，還要花很多很多錢，這"一蚊雞"只系美夢或惡夢的開始！
"十三點"是上海市井俚語，因為解放之後大量上海人南移，才變成趣怪廣州話。"十三點"初時意謂"敲亂鍾"，原來舊時的時鐘，每逢一小時便報時一次。
例如下午四時，鐘擺便會敲響四下，五點敲五下，至多系十二點，也不過敲十二下，但居然敲出十三響，唔通有十三點？當然系出問題，正如俗語所講癲癲地！所以，十三點就系代表人既性格癲癲地。
有好長一段時間，廣東人已遺忘"丫嗚"這俗語，不過，大約是一九八五年林子祥所唱的《丫嗚婆》，重新使"丫嗚"流行了一陣子。"丫嗚婆"，醜怪女人，因為"丫嗚"本身已經系怪物，而"丫嗚婆"當然系好極有限。其實，以前有個漢朝大將軍叫做劉胡，因為皮膚坳黑，所以叫呢個將軍做"坳胡"。
蠻人非常害怕大將軍之武功，每遇小兒扭計哭啼，就索性拿這個惡人來嚇孩子們："劉胡來啦！" "坳胡來啦！"丫胡婆來啦！"..."丫胡公來啦！"由此可見，"丫嗚"不算系甚麼怪物，只是個貌醜的黑炭頭將軍，後來才渲染成為鬼怪！
原來呢個搞笑俗語系出自廣東的農村，農民養雞，專養雌雞而唔中意養雄雞，因為雌雞可以生雞蛋，所以價錢不錯。所以如果要拜神，當然先'捅'雄雞黎拜，點捉雄雞？農民先將谷撒在門外，群雞就"雞咁腳"食谷，當班雌雞食緊谷時候，班雄雞就"色心起"！懶得去食谷，一撲就撲上雌雞背上交配。
呢個時候，正系捉雄雞的最好時候，那色鬼當時並無防範，農民捉住它的雞腳就得啦！雄雞的雙腳呈深蛋黃色。所以"捉黃腳雞"就此由來o勒。