提示:點擊標題下方 粵語搞搞震 一鍵關注
其實你知唔知放飛機、巴閉、混吉呢啲你成日會用到嘅詞由來呢?咁你又知唔知原來香港人口中常用的一些廣東話形容詞和動詞，其實是源自英文。快啲嚟睇下啦!
放飛機
何為放飛機呢?話說舊香港。有一日，就要上演飛機飛行。香港有史以來第一次有飛機睇!仲要部水上飛機添!全香港萬眾期待：有人要放飛機睇啊!
第一日到來，因為打風，冇得開，眾人失望而歸;第二日，天朗氣清，各人以為有睇，點知個飛機師病，要推到第三日。而第三日呢，到部機個引擎出事，修理唔到。跟住就**byebye**喇!所以D人就用放飛機形容講去做，又唔做的行為!
巴閉
"巴閉"來自印度話，自漢朝中國己同印度人做生意，D印度商人好鬼嘈，成日叫："BAP RE, BAP RE!"，呢句意思是"我的天呀!"，於是廣東人就學佢地講，講下講下就變成今日"巴閉"喇!
混吉
原來系因為以前嘅小型飯店，只要你去幫襯就會免費奉送一碗清湯，飯店每日所售雞鴨鵝豬牛肉，都用呢一鍋水整熟既，所以湯入面有肉味，然後落一堆味精，就系一碗清湯啦!因為系清湯，所以入面乜料都無，即系空空如也，
香港人覺得"空"等於"兇"，所以就改成"吉"，所以碗湯就叫做"吉水"。當時，有好多窮人，入到飯店，一坐低，就問夥記摞一碗"吉水"，D窮人一口氣飲完，靜雞雞就走左去，因為呢碗湯系免費，所以飯店唔可以捉，所以夥記就叫呢種混騙行為叫做"混吉" !
杯葛
其實，"杯葛"是英文BOYCOTT的譯音，意思即系"反抗和抵制"，唔講你唔知，此BOYCOTT原來系一個人名，全名叫做Charles Cunningham Boycott, 生於1832年，死於1897年， 系北愛爾蘭一個惡漢，專替貴族大地主等收租，手段兇殘，專逼害那些窮困的佃戶，一遇到錢交租，就會諸多逼害。於是，呢班佃戶一呼百應，聯合起來對付逼害 者。杯葛打唔過佢地，惟有落荒而逃，自始面目無光，備受困擾痛苦而死。愛爾蘭佃戶今次打勝仗，轟動一時，影響很大。此後但凡抵制或斷絕關係，就以此位愛爾蘭收租佬的姓為名，叫做"杯葛"也。
大耳窿
原來開阜初，香港洋人印(度)人大集會，而放貴利的多數系"白頭摩羅"，這些"摩羅差"戴白頭巾，所以人人都叫地做"白頭摩羅"。白頭摩羅扮相古怪，愛戴一隻大如銅元的耳環，所以耳朵要穿個耳洞，港人覺得可憎，稱他們為"大耳窿"。不過，還有一個說法，當時放貴利，都是放小額款項如三幾角錢，給勞苦大眾，為使人們知到他們有錢借，便把一個銀元塞在耳朵的耳窿，作為記號，令人認得。
一蚊雞
原來我地所講"一蚊雞"系與塘西風月扯上關係;話說去塘西召妓，初步手續先寫一張"花紙"，而格式亦有一定，先寫自己名號(以幾多自稱)，中間寫妓女名字，最後一行寫妓院名稱。寫好之後，便交由酒樓雜役帶去妓院，那些阿姑接到"花紙"，便應召"出局"。妓女每次局票收一元，而省港人士向來稱妓女為"雞"，既然一元召得一"雞"，後來就索性稱一元做"一蚊雞"。順帶一提，這一元只是陪酒談笑而已，屬"體面上"的手續，如果飲客要有更進一步的行動，還要花很多很多錢，這"一蚊雞"只系美夢或惡夢的開始!
粵語搞搞震 微信公眾號 YYGGZ2014 分享吧！
喜歡你就分享吧！
點擊屏幕右上角！
分享到朋友圈！
關注「粵語搞搞震」，接收後續更精彩內容！
關注本帳號後，回復1-39之間的數字，回顧往期內容。喜歡就分享吧！