正所謂「無雞不成宴」，所以廣東人喺擺酒或者其它宴席上都必定會有「雞」呢樣餸，廣東人對雞嘅熱愛程度除咗體現喺食方面，仲體現喺一大堆有「雞」字嘅粵語俚語裡面：
雞士
解釋：舊時指錢幣單位，相當於「元」，一元叫「一緡雞」或「一雞士」。
例句：雞士咁多錢，你都好意思攞出來噶？
雞盲
解釋：指夜盲症
例句：甘大隻字都睇唔見，你發雞盲啊？
走雞
解釋：錯失了一次好機會。
例句：今次千祈米走雞喇，筍野來噶。
撈雞
解釋：有人走雞就有人撈雞，撈雞係指捉到機會或做成某事。
例句：抽獎抽到全家免費旅遊名額一份，今次撈雞喇。
弱雞
解釋：軟弱無能或體能比較差的人
例句：你甘弱雞噶，又感冒啦？
鐵嘴雞
解釋：形容好辯駁、吵架不認輸的人
例句：一日都喺度嘰嘰喳喳嘈個唔停，成個鐵嘴雞咁
雞啄唔斷
解釋：雞啄米般不停不斷，或者說連雞都啄不斷，形容說起話來沒完沒了，絮絮叨叨，令人生厭。
例句：佢兩個一黐埋就會雞啄唔斷咁講個唔停
小學雞（亦有「初中雞」）
解釋：思想或行為幼稚的人，也指小學生
例句：幾十歲人啦，仲好似個小學雞甘，幾時先生性啊！
當紅炸子雞
解釋：當前最受擁戴的公眾人物
例句：近期好多上映嘅電影都系佢做主角，真系當紅炸子雞囖。
鐵公雞
解釋：吝嗇小氣、一毛不拔的人
例句：米以為X老闆好大方，距就系一個鐵公雞。
棖雞
解釋：蠻不講理，聲大夾惡
例句：XXX好棖雞（讀音同「撐雞」），經常同人地開打噶。
拜神唔見雞
解釋：嘮嘮叨叨，喋喋不休
例句：你做乜成副拜神唔見雞甘噶樣啊？
死雞撐飯蓋
解釋：
①臨死還要撐一下
②形容人死不認錯的態度。也可稱為「死雞撐硬腳」
例句：明明做錯事仲死雞撐飯蓋
雞髀打人牙臼軟
解釋：比喻用請吃喝來使人不說自己的壞話，後引申為用給好處、行賄等辦法來達到自己的某種目的。
例句：雞髀打人牙骹軟，有錢人就系唔同啲，又專車接送，又送鞋又送衫，睇嚟日後有事相求想推都推唔甩喇。
半夜雞啼——唔知醜
解釋：
①深夜l:00一3:00時為丑時。原指公雞不知丑時在什麼時候
②現多比喻人不知羞恥。
例句：半夜雞啼唔知醜,麵皮生來八尺奔(厚)。
大雞唔食細米
解釋：只對大利益有興趣，對蠅頭小利不敢興趣。
例句：人地系海歸高材生嚟噶，正所謂大雞唔食細米，點會睇得上你份爛鬼工啊。
籠裡雞作反
解釋：自己人鬥自己人
例句：而家呢個時勢最驚籠裡雞作反，都系萬事小心為上
鬥米養斤雞
解釋：成本太高，形容人們做事要懂得計算成本，划不來的事不要幹。
手無抓雞之力
解釋：手板軟弱無力。
偷雞唔到蝕揸米
解釋：賠了夫人又折兵
雞仔唔管管麻鷹
解釋：比喻不管教好自己的孩子（或下屬），卻去責怪別人。
雞春咁密都褓出仔
解釋：「褓」即「孵」。比喻沒有不透風的牆，有些事情想掩蓋也是掩蓋不住的。
一時唔偷雞就做鄉長
解釋：經常做壞事的壞人有一天不做壞事了就扮正人君子。
雞乸咁大個字唔識一籮
解釋：認不來幾個字。
飯後瞌一瞌，好過飲雞汁
解釋：午飯後小睡一會兒，比喝雞湯還強
無雞斬四兩，有雞要遞樣
解釋：諷刺某些人口頭闊綽，而實質小氣
有種忙亂叫騰雞，有種懶惰叫偷雞；
有種燒焊工具叫辣雞，有種搵人幫忙叫吹雞；
有種車輛叫野雞，有種點心叫糯米雞；
有種環境叫靜雞雞，有種小心叫靜靜雞；
有種幣值叫一緡雞，有種哨子叫銀雞；
有種表現叫差雞，有種劣質叫流雞；
有種揭曉叫開雞，有種肯定叫耿雞；
有種成熟叫老雞，有種轎車叫大眼雞；
有種幸運叫執死雞，有種結束叫謝雞；
有種鬍子叫二撇雞，有種起重車叫吊雞；
有種溼身叫落湯雞，有種裸露叫剝光雞；
有種懵懂叫釘昏雞，有種瞌睡叫舂瘟雞；
有種食客叫波蘿雞，有種參與叫咪走雞；
有種摩託車叫三腳雞，有種鹹魚叫海底雞；
有種吻印叫咖喱雞，有種辯才叫鐵嘴雞；
有種魚叫大眼雞，有種尷尬表情叫呆若木雞；
有種老親騙局叫捉黃腳雞，有種滿面疤痕叫豆皮掹雞；
有種話人唔衝涼叫醃鹹雞，有種又瘦又細粒叫瘦蚊雞；
打工仔最怕食無情雞，打麻將最鍾意自摸雞；
有種好鬼大種的叫乞兒雞，有種散水叫雞飛狗走；
有種嘈吵叫雞犬不寧，有種殺戮叫雞犬不留；
有種報時叫聞雞起舞，有種示威叫殺雞儆猴；
有種殘忍叫殺雞取卵，有種技術叫借雞生蛋；
有種姿勢叫金雞獨立，有種挑剔叫雞蛋裡挑骨頭；
有種腐敗叫一人得道雞犬升天，有種心知肚明叫雞食放光蟲；
有種唔見得光叫偷雞摸狗，有種特別出眾叫鶴立雞群；
有種非常計較叫雞毛蒜皮，有種自我欣賞叫山雞舞鏡；
有種穀氨酸鈉混合物叫雞粉，有種好似鬼畫符嘅字叫雞腸；
有種走得好鬼死快的叫雞咁腳，有種又幼又長冇曲線叫香雞腳；
有種傾嚟傾去傾唔埋叫雞同鴨講，有種比人害得好慘的叫雞毛鴨血；
請給我一個【在看】吧