喺粵語中，民間所使用嘅口語，涉及「佬」字名稱極為廣泛，含意豐富，亦較複雜。「佬」粵語讀為「Lou2」，佢嘅含義乃指成丁嘅男子漢（大人）而言。
粵語口語哩個「佬」，本身既唔系褒語亦唔系貶語，它既可以用於褒義嘅詞句中，亦可以用於貶義嘅詞句中，完全睇人喺哩個詞嘅前邊加上乜嘢形容詞，睇佢嘅表達形式點樣，至能決定佢嘅性質。親屬中間，稱長兄為大佬，稱弟弟為細佬。很明顯，喺噉樣嘅詞彙裡面它唔系貶義詞。但是「佬」字有時的確被用為貶義詞；街坊嗌交時某些男子被鬧為「死佬」、「臭佬」、「衰佬」，哩啲就系貶義詞。
「佬」嘅名稱，粗略地歸為以下幾類：
1. 以本省地名嚟稱呼為「佬」嘅，表示被稱嘅人乃某某地方人。如：東莞佬、順德佬、臺山佬……
對於操東江語音嘅，過去唔理系居於東江嘅或北江嘅，統稱之為客家佬。
廣州人冇叫自己做廣州佬嘅。
2．喺本省某縣某地，對當地鄉間嘅人，稱之為土佬、鄉下佬，住系山區嘅被稱為山佬。
3．對於省外嘅人，又被分為湖南佬、江西佬、上海佬、浙江佬、廣西佬、四川佬；對於更遠一些地方，統稱為外江佬、北佬或撈佬。
粵語中冇南佬哩個名稱。
4．對人嘅形象同神態嚟講，有高佬、矮佬、肥佬、大隻佬之稱。失明嘅失聰嘅，被稱為盲佬、聾佬；腳跛嘅為跛腳佬、麻子被稱為豆皮佬、鬍子被稱為鬍鬚佬，沒有頭髮嘅為光頭佬。有神經病嘅，或被稱為懵佬或傻佬。大肆揮霍，毫不吝惜，謂之「闊佬」。
5．對各行各業嘅名稱，有：生意佬、軍佬、補鍋佬、泥水佬、閹豬佬、閹雞佬、收買佬、賣魚佬、劏豬佬、豬肉佬，還有抬轎佬、喃巫佬、行船佬、睇相佬、風水佬、江湖佬、賣藥佬等等。演粵劇嘅則被稱為戲子佬。
6．一些有惡習或不務正業嘅，或作風唔正派嘅，另有別稱：食鴉片嘅，被稱為煙屎佬或鴉片煙佬；調戲婦女嘅，被罵為衰佬、鹹濕佬、麻甩佬；勾搭人家婦女嘅，被罵為野佬。盜竊為生嘅稱為賊佬；偷雞嘅叫偷雞佬；拐賣細孥仔嘅，一定系拐子佬。
7．有錢人被稱為「財主佬」。
8．對西方歐美各國洋人統稱之為番鬼佬，從哩個名稱又衍生出「鬼佬」「老番」。
「佬」字，系個古南越語音。哩個古南越語音，喺古代嶺南（相當於今日廣東地區），於其傳承過程中，大約喺南朝《玉篇》公布以後，並喺該書流傳嘅相當時間內，人們借用哩個漢字將之音譯，遂漸成為粵語文字嘅「佬」。以後又衍生出各種「佬」嘅名稱；哩啲名稱固然隨住時代發展而發展，亦隨著時代嘅進步促使某啲名稱被人們擯棄。例如20世紀初，開番攤賭檔嘅「番攤佬」，抽鴉片嘅「煙屎佬」，隨住社會進化而消失咗。