點擊上方 ↑↑ 即可關注「金句王」
小肥（徐智勇）出道已經多年，現場唱功穩定，佢嘅作品《寵物》、《時光機》、《高登歌》都唱到街知巷聞，令人聽出耳油。但可惜嘅喺，他主唱嘅歌一路都叫好唔叫座，紅歌唔紅人，唔通真系咁運滯？今日小編就嚟介紹下佢啦！
《寵物》呢首歌，系小肥07年初次喺香港發展，加盟咗黃柏高旗下嘅處女作。第一張同名CD《The First Album of Siufay》，連同代表作《寵物》、《時光機》在內，共收錄咗12首歌。
有趣嘅系，專輯中嘅《逼得寵物太緊》，系《寵物》同吳雨霏嘅《逼得太緊》兩首歌嘅fusion版本。《逼得寵物太緊》呢首歌，可以話系逢唱K男女對唱必點，稱得上系八九十後嘅集體回憶。
至於《時光機》呢只歌有乜咁特別？呢首歌嘅歌詞系由《毛記電視》創辦人林日曦喺9年前所寫嘅。經過咗第一屆《毛記電視分獎典禮》之後，林日曦嘅名無人不知，無人不曉。其實，佢除咗改詞了得、二次創作無得彈之外，仲系填詞人出身。
林日曦填嘅詞，尤其果句「沒法改寫既定結尾，就期待下世紀」，帶咗啲「灰鳩」嘅味道，配上小肥咁深情嘅聲線，真系好啱聽。
喺小肥咁多首歌中，小編最鍾意果首《負親》。呢首歌可以話系填詞人火火為小肥量身定做嘅，按照小肥父親喺一年前過身，果種失去至親嘅心情而寫嘅。正系因咁，小肥喺演繹《負親》嘅時候，唱嘅每一句、每一個字都能夠表達出對父親嘅思念之情。
負親，同父親同音，用「負親」而唔用「父親」作為歌名，暗示咗仔女總系喺父親老咗，先至後悔無好好珍惜同佢相處嘅時間，而覺得「負疚」。呢首歌想提醒我哋要關心身邊嘅人，唔好「時光返不到最初，回憶一天天錯過」，後悔都嚟唔切喇。
有啲父親，就算面對住自己嘅仔女，都一樣咁揦埋口面，就好似歌詞中嘅「是你莊嚴正氣，像說別要騷擾你」，連同佢講聲「早唞」，都有啲講唔出口，更加唔好講話「我愛你」。
不過，話都無幾句嘅愛有幾好呢？可能好似《負親》最後一句歌詞「若當天孩子，懂得將我愛你這一句，豁出去，或會拉近差距」。火火填嘅詞好有意思，小肥亦演繹得好有感情，真系近年難得一見嘅好歌之一。
小肥嘅好歌仲有好多，但無奈星途黯淡，真系好可惜。樂壇中嘅小肥，就系禾杆冚珍珠，希望佢以後嘅歌唱事業會有更好嘅發展！
金句王
微信號：jinjuking
睇金句王，爽過去爆房！
每日發布粵港澳第一手開心嘢！
粵語 | 爆笑 | 搞嘢 | 吹水 | 抵死 | 頂癮
歡迎搭訕 投稿都啱 合作更贊 小編微信: KingKingGuy