清明節前，正是吃刀魚的時光，此時，因處於長江入海口，淡水與海水的交界處，餌料豐富，肉質鮮嫩。由於產量銳減，物以稀為貴，網上曝出的長江刀魚價格令人乍舌，在6000元至1萬元間不等。2015年4月，江蘇漁民捕獲一條9兩重長江刀魚， 1.5萬元賣出。
這等價格的刀魚，工薪階層自然不敢問津，然，也有一種解饞的辦法，那就是花幾十元去吃一碗刀魚面。好友李北宏是此中常客，一年一次，雷打不動。與眾不同的是，北宏兄不僅是資深美食家，而且是舞文弄墨高手。在此，且聽他用上海方言講述，在老半齋吃刀魚面……
驚蟄已過，長江刀魚上市，老早迭呃辰光，會得去買眼刀魚吃吃。現在，長江刀魚因為漁民竭澤而漁，已經捕撈不著啥呃魚了，故所以講價鈿水漲船高，要買真貨，1斤頭2千，吃勿起了。大興貨也有，別過是「湖刀」搭仔「海刀」，味道差交關，也勿去碰伊了。
刀魚面倒是年年要去吃呃。上海呃刀魚面，現在也嘸沒幾家人家會的做了。曉得呃有南京西路新鎮江、四馬路呃老半齋。
老花頭，一年去一趟老半齋吃刀魚面。今朝上半日，乘車去老半齋，以一飽口福。11點半到呃老半齋，店堂裡廂熙熙攘攘、人聲鼎沸，老早客滿。
排隊辣勒帳臺前頭等候買票，挨到呃辰光，看了眼烏珠前頭掛勒呃價目表，上頭標價：刀魚汁面，2兩，30塊；3兩，32塊，今年嘸沒漲，搭舊年一樣，別過，前年是28、30塊。買了刀魚汁面搭仔餚肉（12塊一份），去等座位。
看到吃客多為中老年人，外加多數講本地閒話。堂倌也是本地人，現在市面浪已經勿多了。等到熱氣騰騰呃刀魚汁面、鎮江餚（上海話讀xiao）肉抬上來，我立刻下箸，品嘗迭呃久違的美味。刀魚汁面上世紀30年代由老半齋首創，取用新鮮刀魚加蔥、姜煸炒成魚鬆，搭仔肉湯、雞湯擺了一道煠（sak入聲），成為刀魚汁，再擺麵條煨制而成。伊個年代，於佑任也是老半齋常客。
一口麵條下去，感到軟而不爛，吃吃稠濃呃湯水，魚肉搭仔湯水混了一道，湯鮮味厚，再吃吃餚肉，其味無窮。老半齋是淮揚風味，伊拉呃蟹粉獅子頭、蝦仁煮乾絲也是看家名菜。
別過總以為，迭只刀魚汁面味道還是勿如90年代，問起同桌呃老饕，伊講，現在的刀魚儕是人工養呃，搿味道肯定要推板點呃，算了，過過念頭伐。搿倒也是呃，現在迭只價鈿，也就是過過念頭價，要吃真價什---天然江刀，一碗麵條幾十塊洋鈿也叫勿開。
老半齋是上海目前僅存的幾家國有飯店，內部裝潢一般，傳菜用呃還是木夾子。現在小青年儕講吃物事要有情調，情調，搿搭是嘸沒呃，搿只場化，就是面向大眾呃。價鈿倒是實惠，味道也是正宗淮揚老味道。不過，聽朋友講，現在老半齋呃做刀魚汁面師傅已經做了30多年，快要退休，伊半夜要起來拆刀魚肉做「刀魚汁」，帶過幾個徒弟，現在年輕人吃不起苦，儕逃脫了。
據祖居長江邊的友人趙錫麟兄告知，老早伊拉屋裡燒呃是大灶頭，清明前頭燒刀魚先辣勒鑊子裡放水，㑚一條條刀魚用大頭針釘辣鑊蓋高頭（鑊蓋是木頭呃），用花棋柴猛燒，鑊子裡廂水滾以後，蒸汽上升，鮮嫩呃刀魚肉就會落到水裡廂，被釘牢呃魚骨頭則留在鑊蓋浪，迭種魚和骨分離的辦法老好呃。燒出的刀魚湯鮮美無比。搿是題外話，別過迭種辦法好像搭老半齋呃拆肉有的一比。
但願刀魚面不要失傳，迭呃也是上海灘的一個飲食文化。看樣子，包裝包裝倒是需要呃。
（「上海消費總動員」獨家稿件。如需轉載，請註明出處）
長按二維碼添加關注「上海消費總動員」