「手板眼見功夫」
形容事情好簡單，一睇就已經識點處理、識點做
例如：花生米好想食炸雞，花生米男友就話：
「手板眼見功夫嚟啫，等我嚟！」
（花生米好想吃炸雞，花生米男票就說：「這很簡單嘛，一看就會了，我弄給你吃吧！」）
「畫公仔畫出腸」
一般我哋畫公仔係唔會畫埋啲腸出嚟噶嘛
比喻講嘢唔使講得咁直白
例句：有啲嘢唔使畫公仔畫出腸嘅，心照啦~
（有些事情不用說得這麼直接的，大家心裡明白就好）
「睇餸食飯」
意思就係：因應情況來做事
「餸」係粵語裡面係指「菜餚」，成句話意思就係，食飯嘅時候要就住有幾多餸嚟食幾多飯，引申去其他方面就係做事情的時候要因應唔同嘅情況去處理。
例句：BB啊，我無乜現金啦，一陣買嘢要睇餸食飯啦~
（寶寶啊，我現金不多啦，一會兒買東西要省著點啊~）
「冇尾飛堶」
形容一去無蹤
「堶」是磚的意思。宋朝，每當寒食節便有飛堶戲，亦有賣藝人表演飛堶，以繩綁著重物，上下揮動打圈，然後向目標飛去再收回來。若這個堶無有尾，沒被綁著，便會飛了出去收不回來。
例句：老公，你睇實個仔啦，佢一出街就成個冇尾無堶咁，搵都搵唔到佢啊！
（老公，兒子你看緊一點，他一上街就亂跑的啦，一會兒想找都找不著他啊！）
「跟官咁耐 唔知官姓乜」
意思係：和一個人相處了很久，依然不知Ta的喜好。
例句：1.你真係跟官咁耐唔知官姓乜，連我唔飲酒都唔知？
（你認識我這麼久了，竟然不知道我不喝酒！？）
2.我知你唔鍾意睇戲，你估我跟官咁耐仲唔知官姓乜咩~
（我知道你不喜歡看電影，你真的以為我們認識這麼多年都是白認識的嗎？）