點擊上方 ↑↑ 即可關注「金句王」
阿強同Mary以前拍親拖，都一定要出街食。
阿強鍾意同Mary試唔同嘅餐廳，帶佢周圍去。
但到咗而家，阿強360度大改變，完全唔鍾意出街食，只系想留返喺屋企。
就算去臺灣旅行去夜市，都要買曬所有嘢返酒店慢慢食。
原因只有一個⋯⋯
Mary話：「你懶咋嘛！唔想搵地方、懶得出街！」
但其實，阿強話，佢只系享受二人世界。
出街食飯，有時覺得系「貼錢買難受」。
出去食飯最重要系兩個人嘅交流，但有時啲位迫到好似同人身貼身咁食。
食得唔舒服，傾得又唔自在。
而最怕系要搭檯，一有陌生人坐身邊，阿強就唔多想講嘢。
但阿強同Mary喺屋企食，情況就完全唔同。
坐姿、食相有幾衰得幾衰，講嘢可以大大聲，話題無限制。
熱起上嚟，阿強即刻除曬衫食都得。
仲可以開住戲，一路食一路睇，輕輕鬆鬆，完美咁享受一餐。
不過，Mary就相反，佢鍾意出街食，原因系成個過程好有「約會」嘅感覺。
由阿強喺街拖住佢行，佢已經會笑出嚟。
仲會同阿強講笑話：「好陌生呀，好耐無俾你拖過。」
行行下突然錫啖、過馬路攬住條腰、飯後十指緊扣慢慢行⋯⋯
全部都令Mary覺得被愛，覺得「咁先系拍緊拖」。
各有各樂趣，無分優劣對錯，純屬個人喜好。
食飯，只系一個細節，但其實呢個細節佔據咗拍拖嘅八成時間。
無論喺街食，定留屋企，都要系一個交流嘅過程，而唔系兩個人相對無言，一餐飯，真系只剩下飽肚。
對阿強嚟講，完美嘅人生，就系放工後買曬兩個人都鍾意食嘅嘢。
返到屋企開曬出嚟，一邊睇戲一邊食，飯後仲一定要有甜品。
而最重要，食飽後，兩個人一齊攤喺度唔鬱。
雖然好唔健康，但好幸福。
金句王
微信號：jinjuking
睇金句王，爽過去爆房！
每日發布粵港澳第一手開心嘢！
粵語 | 爆笑 | 搞嘢 | 吹水 | 抵死 | 頂癮
歡迎搭訕 投稿都啱 合作更贊 小編微信: KingKingGuy