近日，農夫在個人社交平臺公布他們要開個唱的好消息！作為fans的你是不是期待已久呢。我們也很欣賞這個盞鬼的組合，借這個機會同大家一齊回顧一篇農夫的音樂專題，希望大家廣傳開去多多支持佢哋啦！
最近喺度追緊《殭》，本身係為咗睇KayKay，結果發覺女性角色裡面最可愛的，反而是陳家寶演的小師妹；而同小師妹有感情線，由陸永飾演的C君（個名有少少搞野lol）同樣得意。某場小師妹和C君的感情戲，聽到6wing嘅聲線好溫柔好聽，先醒起「咩啊人地本身就係歌手啦」，於是就有咗呢篇文章，同大家share幾首農夫的好作品，因為這確實是一個有趣的組合，值得賣呢次廣告。
《全新派臺作品》
《全新派臺作品》
作曲：C君
填詞：農夫
演唱：農夫
你覺得我得嘅話
put your hands together
掌聲俾多幾嚇
好嗎
好多人問我哋點解咁耐唔出碟
我想問你對上嗰次幾時買過碟
以前出唱片就話賣幾多白金
今日我出碟你問我要做定幾多帛金
唔系話舊歌好聽啲 系新歌冇留意
就算我去唱K時都系唱狂串樂基兒
啲新歌 系喎 我冇一隻識
但系記得韓星染過發嘅每一隻色
新人唔算多 但系邊個打邊個
我分唔清金曲喎 但系我一隻都冇聽過
年尾頒獎禮噏得出歌名都算唔錯
跟住唱到幾句應該頒個獎俾我
其實啲樂迷系咪咁諗 我唔系好關心
你有你好聲音 我有我好天真
唔洗話俾人聽我系歌手咖
只要我哋仲有全新派臺作品
你覺得我得嘅話
put your hands together
樂壇幾難行 都需要撐
就系爭你爭你爭你爭你一齊玩
人人實唱到 大家一齊嚟 La
Do Re Mi Fa So ( La~~~~ )
有人話歌手要拍劇 拍劇先入屋
歌影視都十足 咁先至多人十卜
但系我哋好老套 唔識諗咁多promo
淨系相信嗰套 叫做 好歌有好報
有人話做首歌要聽到錢聲
我話你俾錢我做歌已經系嫌錢腥
我冇嘢驚咖 戶口跌過落雙位數
就算出碟冇人買咪最多自己鑲喺度
好多人叫 我哋做國語歌
可惜我識嘅國語唔多
又希望廣東歌可以代代相傳
真系打得嘅話 南拳都可以北傳
好多歌手要你支持 怕你愛得太遲
等你加入樂壇等到去葡萄成熟時
你贈我興奮 我贈你聲音
你贈我幾廿蚊 我贈你全新派臺作品
你覺得我得嘅話
put your hands together
樂壇幾難行 都需要撐
就系爭你爭你爭你爭你一齊玩
人人實唱到 大家一齊嚟 La
Do Re Mi Fa So ( La~~~~ )
開嚟
大吉大利 百無禁忌
我哋老細叫我爭氣
俾啲掌聲啦淨系爭你
屬乜嘢生肖唔洗迴避
我有下巴雙腳掂地
個樂壇仲未死
俾啲掌聲啦淨系爭你
大家一齊嚟啦
你都一齊嚟啦
這首歌的信息量很大，每次聽都有種不得不反思香港樂壇現狀的自覺。「以前出唱片就話賣幾多白金／今日出碟你問我要做定幾多帛金」一語道破如今唱片行業的一片蕭條，身在其中垂死掙扎的無力感。「有人話歌手要拍劇／拍劇先入屋／歌影視都十足／咁先至多人十卜」唱是這麼唱，現實又是另一回事：我們依然在電視上見到農夫，比如話在《鬼同你ot》裡面見到C君，在《殭》裡面見到6wing。「你有你好聲音／我有我好天真／唔洗話俾人聽我係歌手架／只要我哋仲有全新派臺作品」歌詞裡暗含最有影響力的兩個音樂綜藝節目，明顯是歌者有心的鋪排：當歌手和觀眾都迷失在綜藝裡的「出位」或「上位」之際，呢個「天真」嘅組合為自己「仲有全新派臺作品」而滿足，係咪顯得有d「傻更更」呢？而歌曲裡面除了批判，亦有農夫作為香港歌手強烈的本土意識和責任感，這份感情也是整首歌裡面最觸動我的地方：「好多人叫我哋做國語歌／可惜我識嘅國語唔多／又希望廣東歌可以代代相傳／真系打得嘅話／南拳都可以北傳」。
有點慶幸，如今認真地在鍵盤上打著每一個字的我，用行動在響應著他們這句「樂壇幾難行都需要撐，就係爭你爭你爭你爭你一齊玩」。
不妨考慮下 ，「大家一齊嚟啦」！
《Sam歌》
農夫&咖啡因公園
《Sam歌》
作曲：C君
填詞：農夫
演唱：農夫
當初聽Sam哥嘅歌教我做人
點知家陣好似都唔系咁念
再冇鐵塔凌雲 邊有人肯沉默是金
日本娃娃冇咁流行
我細細個 阿爸晚晚猛播
Sam哥嘅歌我聽咗太多
但繫到我大個
同一套見解 而家乜都變曬
以前話 沉默是金
我驚我轉頭俾人鬧鑊甘
你話笑罵由人 因為真永是真
而家唔出聲啲人會好易憎你就真
沉默唔系有胸襟 沉默唔代表中肯
尋日先俾人話我唔夠勇敢
以前你話過 咪移民
咪去外國做二等公民
而家每年多幾千人
好兇狠心諗梗系爭住松人
唔系啲生意佬要去外國進軍
系啲小市民對呢度冇信心
學生哥 好溫功課
而家學生多 更多功課
驚輸在起跑線
童年得考試同測驗
贏咗學分 輸咗童真
Sam哥都估唔到個世界會變成咁
當初聽Sam哥嘅歌教我做人
點知家陣好似都唔系咁念
再冇鐵塔凌雲 邊有人肯沉默是金
日本娃娃冇咁流行
鍾意聽歌都聽過sam哥嘅歌
今日再encore 都覺得正喎
系時代已經變咗
定系嗰一個香港已經唔見咗
仲邊有財神到 搵錢要依正路
拿拿聲走去搵嘢做
就買到樓 嗰個莫大毛
而家要搵錢要博大霧
太正路 聽訓馬路
你今日冇 將來都冇
想買個窗臺都要靠父母
現實唔理想咪索性講理想
唔玩半斤八兩
唔怕波士癲過雞
因為 好多時系d人炒老細
講真 身邊人 仲邊有你講嘅香港心
鐵塔凌雲 只系奇聞
個個放假都plan旅行
除左流感 就系遊行
冇香港人想留多陣
歌神
有冇可能帶我返番去你以前嗰陣
當初聽Sam哥嘅歌教我做人
點知家陣好似都唔系咁念
再冇鐵塔凌雲 邊有人肯沉默是金
日本娃娃冇咁流行
嗰陣沉默是金
家陣誰還未發聲音
嗰陣冇時莫強求
家陣時時有要求
嗰陣日本娃娃
家陣gam sa ham ni da
嗰陣半斤八兩
家陣要搵理想
嗰陣十個女仔
家陣港女咪制
嗰陣搵錢依正路
家陣有錢好霸道
嗰陣做人要識do
家陣做人要識do do
「當初聽Sam哥嘅歌教我做人
點知家陣好似都唔系咁諗」
同一張專輯《你而家冇，但系將來會有（上）》裡面，這一首歌也很打動我。當初日日掛住踢波嘅《學生哥》，如今要面對：「而家學生多更多功課／驚輸在起跑線／童年得考試同測驗／贏咗學分輸咗童真」；從前《財神到》，話搵錢要依正路，但「而家要搵錢要博大霧／太正路聽訓馬路／你今日冇將來都冇／想買個窗臺都要靠父母」；《鐵塔凌雲》變成奇聞，「個個放假都plan旅行 除咗流感就系遊行 冇香港人想留多陣」⋯⋯
係時代已經變咗？定係嗰一個香港已經唔見咗？Sam哥都估唔到個世界會變成咁。 同樣無力解釋以上現象的我，也唯有聽翻Sam哥嘅歌找回些安慰。
《好彩分手》
《好彩分手》
作曲：C君
填詞：農夫
演唱：農夫
餵 唔駛咁愁喎朋友 一段感情梗有佢完嘅時候架
佢肯同你分手 你應該走夾唔抖喇
咁嘅人都有 簡直系禽獸 我明架
你能夠忍嘅都忍夠 你等佢變
佢冇理過你感受 佢洗你錢
佢cut你線 佢落你面
你對佢仁至義盡啦 佢仲想你點？
記住今日佢飛你系佢唔識貨
呢種人你咪當從來無識過
你只系信錯衰人一個
咪唔信愛情系會有好結果
你個ex擺明系賤人 系廢人
你咪為佢費神 你當為己為人
你有冇聽聞得饒人處且饒人
佢仲喺instagram處寫條文
你話佢扮咩 扮咩受害者
佢話佢比你仲傷 其實你系你俾佢中傷
呢啲咪趟著都要中槍 邊有人分手趙完仲唱
人生流流長 總會遇到幾條
好彩諗起嗰一次你有分手
最委屈嘅你受夠 冇分手會有排你受
終於搵到嗰一對美滿雙手
你開心到冇朋友 最初玩你嘅人等天收
系 我知你未放得低
但系呢個人冇資格影響你一世
喊啦 即管喊出黎
少少眼淚 咪當交少少學費
你唔想拍拖拍到似上戰場
但系佢次次傷害你嘅方法都唔一樣
講大話佢太擅長 朋友你太善良
你點對人 唔等於人地會點對你
學識呢個道理 獲益嘅系你自己
或者呢段感情系有啲苦澀味
不過你應該慶幸 呢個人冇同你走到結尾
你個ex擺明呢一生呢一世
你都會憎佢做嘅一切 你後悔同佢一齊
正所謂自古人生誰冇死
其實你想佢嗰日早啲嚟
你仲要扮咩 扮咩偉大啫
根本佢就系有史以嚟 呢個人淨系識愛自己
分咗手仲要講你是非 邊有人一衰衰到貼地
人生流流長 總有人唔洗原諒
好彩諗起嗰一次你有分手
最委屈嘅你受夠 冇分手會有排你受
終於搵到嗰一對美滿雙手
你開心到冇朋友 最初玩你嘅人等天收
嗱 好彩分手 洗乜怕醜
嗱 佢講出口 即刻拍手
嗱 你轉身走 洗乜深究
嗱 你放心有最尾完美嘅邂逅
我覺得，我最鍾意農夫嘅地方係，他們音樂作品裡妙語連珠的rap，令我覺得好親切，就好像一個認識了很久的朋友在你身邊起勢吹水。比如這首《好彩分手》，「但係呢個人冇資格影響你一世／喊啦即管喊出黎／少少眼淚咪當交少少學費」聽嘅時候就覺得好似有個朋友係側邊細細聲好溫柔咁開解你。當聽到以下數落，忍不住覺得痛快：「佢冇理過你感受／佢洗你錢／佢cut你線／佢落你面／你對佢仁至義盡啦／佢仲想你點？」「你個ex擺明系賤人／系廢人／你咪為佢費神／你當為己為人」 聽著聽著似乎能以第三者的視角，看到從前失戀的時候朋友怎麼在我面前痛罵阿邊個邊個，只為了可以令我心裡好過些。
「對一對表先，而家就十二點松d…
咪睇下今晚邊個多d獵物！」
我似派對動物你似派對獵物
我到派對捕獵～你
當你見到上面首《好彩分手》，有冇醒起盧巧音首《好心分手》？而這首《派對獵物》，確實令我想起cookies的《派對動物》。巧合？我覺得不是。看看歌詞自然明白：「好啦我想返屋企／唔好扯住我大髀／我係ABC君／唔係方力申／好人恕我未能做到」（冇錯農夫就係一個咁曳嘅組合－－都唔係第一日識佢哋啦）。
JJ FA MA 準備好未
JJ FA MA 我哋一起嚟
老實講，我對於唱下白話又唱下國語嘅歌，一般都係覺得騎呢，不過這首除外。當初聽那張JJ陸的時候對這首作品就覺得很驚喜，第一次聽就足夠令你一見鍾情愛上這個flow，農夫的說唱一如既往的有型有款；兩種mix up的語言在歌者極高默契的配合下，也沒有顯得違和，反而有種微妙呼應歌中農夫的rap:
我要選擇我自己嘅選擇，我要表達我自己的表達。
選擇對或者選擇錯，選擇錯我都選擇過。
喂，有冇追eu啊，渠頭歌手出道架你又知唔知呢？
《愛不愛我》
陸永&王菀之
*後臺音樂庫無歌曲連結 請到QQ音樂收聽
情（兵）歌在廣東歌裡是一個十分常見的題材，但在農夫的歌裡面佔比甚少，他們更樂意玩玩新意思。這首兵歌有別於一般的自憐，難得博愛的女主角會現身回應兵仔的埋怨。
6wing：你傷害我仲未夠 仲傷害埋我朋友／我忍夠你嘅引誘我想走 但返轉頭／好似雙手戴手扣／任由自己又再守候
Ivana：如果不碰壁怎會知我的價值／別妄想 想我定性／迷戀於我的 花半生花光氣力／是你蠢 不夠悟性
第一次發現Ivana聲音裡還有這樣冷豔的氣質，冷靜地贈兵仔一句「是你蠢／不夠悟性」。所以，這段關係裡面男方就是那個付出更多的受害者嗎？「你系咪真正嘅你？冇關係／可能我只係為咗發生關係」一句到尾，不過各取所需。男歡女愛就是你情我願，心甘命抵：
萬千小角色想見識我吸引力
用個傷口去換領／大概這種叫愛情
《話太普通》
農夫&季欣霈
話太普通-農夫&季欣霈
來自盞搞音樂
00:0003:14
我普通話太普通怪小時候不用功
我喜歡你卻不能溝通
情話在我心中卻卡在喉嚨
前20秒農夫學講普通話的場景，我想很多廣東的朋友都會覺得似曾相識，甚至忍不住笑出聲。這首歌講的是一個港仔想追臺妹的故事，可惜普通話講得太普通以致無法溝通。「你可能不知道我的名字／其實我在香港很紅／又在上電視／很多冠軍歌很多歌詞／這一支特別獻給你／我和你語言不通／我普通話與眾不同／我想告訴你一點小小威風／怎樣說你才懂 我真是沒用」 不過，時代已經變啦，在推普的浪潮下，現在的小孩子，不用功學的只會是廣東話，怎麼可能是普通話？就似FAMA首《Sam歌》唱齋，「係時代已經變咗？」
「但系我哋好老套／唔識諗咁多promo／淨係相信嗰套叫做 好歌有好報」
在《全新派臺作品》裡面農夫寫下這麼一句歌詞，一份十分天真單純的相信。在這個信息爆炸的時代，每出一首歌就會要面臨瞬間被忽略的威脅的年代，其實promote真的很重要吧？雖然力量微薄，但為你們的好歌寫到這裡，我覺得很值得，也希望大家鍾意啦。
文字/sokNichole
圖片/ 網絡
美術編輯/ Penny
本文屬作者個人觀點，不代表公眾號立場。