摘要：仲記得當時看《舌尖上的中國2》第二集《心傳》時，小編望住電視屏幕上的廣式啫啫煲流曬口水，一直係度後退→重播，後退→重播，單片循環。
點解呢？因為呢個係小編超級超級心頭好，各式啫啫煲百食不厭啊！最近，小編到中山三路一間的叫「喜名」的餐廳探店時，發現呢度竟然夠膽聲稱順德煲皇！究竟係唔係，小編唔再口水多過茶，即刻去片，等你地自己判斷下！
先來講段故仔，話說餐廳主打順德風味菜式，以前叫「味起名」，真係夠曬盞鬼~雖然宜家改成「喜名」，但係好多街坊提到呢度，仲係記住以前個名。
講咗甘耐，終於輪到今日的主角上場啦，登登登登，啫啫煲！用火包圍石鍋，將食材快速燒熟，發出「滋滋」的聲音，與粵語中「啫啫」發音相似，因此得名「啫啫煲」。啫啫煲直承粵菜精粹，講究生猛(材料新鮮，包羅萬有)、燙嘴(上桌揭蓋，一氣呵成)、調味(可濃可淡，變化多端)。
「煲後VS煲皇，煲煲猛料」
煲後——扇雞+南美大白蝦+鮮鮑+羊肚菌+松露菌
呢一煲小編形容為「海陸空大混戰」，「海」係南美大白蝦同鮮鮑魚，「陸」係羊肚菌同松露菌，「空」係大扇雞。五種主料匯聚係同一個砂煲中，自然會擦出與眾不同的精彩火花。海鮮的鮮甜與扇雞的皮爽肉滑相遇混合，再加上羊肚菌同松露菌果種自然的菌香，味道絲絲入扣，將嫩、鮮、鹹、香四種口感襯託得更具層次。
南美大白蝦真係好大好長一隻，而鮑魚雖然個頭唔大，但佢獨特的爽脆口感，十分之彈牙，沾滿菌類獨特的香氣，十分之好味！
煲皇——福醬啫鵝
當服務員將呢煲熱辣辣的啫啫鵝捧上臺果時，個煲仲發出「滋滋」的聲音，濃香的煙氣直biu上來，所以小編的注意力瞬間被吸引過去啦，忍唔住即刻起筷夾翻塊試試味先。
（望到眼金金，香到勾走魂。）
慢慢咀嚼，會感受到鵝皮上的油脂逐漸係口腔中融化，而鵝肉嫩滑不柴，帶有甘香，伴上其他配料，更係滋味無窮。呢個味，啱心水，一個字，正！
」金錢PK牛小排，牛氣沖天！」
生啫金錢牛展
金錢展係牛腿部帶筋腱的肌肉，據說一頭牛剩係得兩條噶咋，甘珍貴，睇來真係要試真D！
唔似得普通的牛肉，金錢展更有嚼頭，更加爽口，牛肉的味道更加濃厚同霸道！
生啫牛小排
相對於霸氣側露的金錢展，牛小排就顯得「溫柔」得多啦，牛小排油脂分布均勻豐富，肉質綿密軟滑，令人食之回味、久品不厭。
除咗各式啫啫煲之外，仲有營養豐富的竹笙雞同招積刀仔魚，健康養生，老人同細路哥都啱食。
竹笙呢種滋補的菌類，富含優質的植物蛋白，同靚雞、冬菇、紅棗一齊燉煮，盡吸各者精華，口感爽脆，香味濃鬱。
雞肉爽滑彈牙，富有雞味！記得一定要眼明手快搶塊雞腿肉！不過就算雞胸肉嚼落都香而不柴。
刀仔魚因為形狀似刀而得名。魚肉起片，同蕪茜、蔥絲、花生、椒圈撈起，食得招積！
特別！特別！強推號稱好食過「*珍」的煎餃！手工擀皮、人手攪餡的韭菜煎餃，金黃香脆，一點都唔油膩，咬落總會biu汁出黎！正到飛起！
跟住再來講講環境。雖然一樓普普通通唔多顯眼，但係當你去到二樓，就會發現係鬧市中的一塊靜地。一棵大人參果樹覆蓋整個露臺，抬頭仲可以眺望夜空中的一輪明月。陣陣涼風吹過，遠眺繁華，近享靜寧。
樹上的人參果仔，伸手就可以摘到了！（冇卑老闆發現哦~~你懂的）
仲有文藝小包房，只要提前預約就可以啦！附帶麻將房，有得吃有得玩，小編至鍾意（砌長城）吖！
其實除咗以上介紹的菜式，仲有十幾款富有順德風味的小炒。從以前的「味起名」到宜家的「喜名」，老闆在背後可謂花費咗不少精力，四處尋找正宗的順德大廚，既保留咗傳統的風味，又係原基礎上突破創新，雖然門面同環境都有些少「低調」，冇咩大排場，但「禾杆蓋珍珠」，只要你試過一次，實會食過返尋味！
店名：喜名順德煲皇
營業時間：11：00~2：00、5：30~10：30
訂位電話：020-83802351
人均消費：50-80元
地址：中山三路88號(中山三路大東門車站旁)，中華廣場斜對面，地鐵烈士陵園站D出口直走約8分鐘
◆◆◆
食在廣州
微信號：gzmealnet
▲長按二維碼「識別」關注
→ 廣州地區第一美食微信自媒體，聚集本地大量吃貨，每天專注推送廣州吃喝玩樂和優惠打折的第一手資訊。合作請聯繫主編微信：Gz1382222
掃碼獲取100家餐廳打折信息