點擊藍色字雲浮大件事,再點「關注」後，您在微信訂閱號處就能免費收到文章了。
依家嘅糖桔，就快熟嘞！
新曆12月份，應該有部分會熟！果熟時，兩公婆就開始爭吵。。。。
兩公婆平時唔會爭吵，賣果時會爭吵：一個話賣一個又話唔賣，糖桔價錢好似過山車，依家2蚊，過左半個鐘。可能升到3蚊，又可能跌到1蚊。好刺激!心臟唔好嘅人唔好種果。
種果時嘅辛苦你哋唔知道：
執果後要洗樹，促花。落肥，保果（2次）環割，除紅鏽蜘蛛。頂果，執果，擔果，搵老闆要果。或自己車去！
成日要整草。一唔小心就比桔仔辣吉親。仲有就系要託幾十斤嘅噴機上山，人唔笑狗都吠.到左12月，晚晚要睇天氣預報。個陣時雀仔又食，松鼠又咬，針蜂又叨。
一年到黑都擔心：紅鏽蜘蛛，黑星病，又擔心落冰雹，落霜雪，颱風。如果舊年嘅落雪天氣，果全部凍傷，欲哭無淚。渣都無。過年都無心機殺雞。。行路都唔敢龍抬頭。好似身體少左JJ一樣！有2蚊一斤時，計落去，只系得幾百蚊一隻月。唉，無管理嘅話，又去邊度搵生活費？木薯又平到死，又辛苦！落雨天全部變黑，老闆又嫌。。。。
最辛苦嘅系：跪住環割,好攰！
仲有就系用摩託車車果去賣，求老豆一樣。
老闆又話你嘅果青，又話黑，又話大，又話細，又話唔夠紅，又話雞蛋黃，又話針蜂果，又話扣肉皮，又話果身軟，又話雪傷果。小小嘅花都話系大花。
稱時又唔夠稱，100斤又話扣2斤，4兩3嘅篩你又扣5斤。這是規矩！直程。。。有時好想掟落河都唔想賣。
種巴戟好無奈，驚上網。種糖桔更無奈，驚黃龍病！
種糖桔真系好鬼辛苦!你話系無？
（ 轉載請註明出處：雲浮大件事!）
（合作夥伴：雲浮關注）
趕快告訴你的親人和朋友
讓更多的人知道
★ 免責聲明：本微信部分內容採編自網絡，版權歸作者本人。如有版權問題煩請原作者請聯繫我們，我們將在最短的時間內刪除。
拉到尾部,唔單止可以寫留言,
仲可以睇到精彩評論!
關注本公眾號收看更多精彩視頻
關注"雲浮大件事"
關注方法：
點擊本文標題下雲浮大件事或長按下面的二維碼識別關注